Azərbaycan, Bakı, 19 dekabr /Trend, müxbir E.Mehdiyev/
Bakıda işlədiyi avtoyuma məntəqəsindən avtomobil qaçıran şəxs saxlanılıb.
Qeyd edək ki, dekabrın 16-sı saat 01:00 radələrində Savalan Sadıxov işlədiyi A.Şaiq küçəsində yerləşən avtoyuma məntəqəsindən Hacı Orucova məxsus "Toyota" markalı avtomaşını qaçırıb, saat 02:00 radələrində Sabunçu rayonu ərazisində avtomaşını maneəyə vurub və hadisə yerində ataraq qaçıb.
Trend-in Bakı şəhər Baş Polis İdarəsinin mətbuat xidmətinə istinadən verdiyi məlumata görə, Yasamal RPİ 27-ci PB-nin əməkdaşlarının keçirdikləri əməliyyat tədbirləri nəticəsində avtomaşını qaçırmaqda şübhəli bilinən Qobustan rayon sakini Sadıxov dekabrın 18-də tutulub.
...