Azərbaycan, Bakı, 20 fevral /Trend, müxbir İ.İzzət/
Azərbaycan Dövlət Neft Akademiyasının (ADNA) yataqxanasında yanğın baş verib.
Trend-in FHN-in rəsmi saytına istinadən verdiyi xəbərə görə, Bakı şəhəri, Nəsimi rayonunda Azərbaycan Dövlət Neft Akademiyasının hündürmərtəbəli yataqxanasında yanğın baş verib. Belə ki, səhər sübh çağı yataqxana binasının 2-ci mərtəbəsində ümumi sahəsi 16 kv.m olan 1 otağın yanar konstruksiyaları yanıb.
Qonşu otaqlar yanğından mühafizə olunub.
Yanğın saat 07:26-da yanğınsöndürənlər tərəfindən söndürülüb.