Azərbaycan, Bakı, 16 may /Trend/
Suriyada rejimə bağlı silahlı birləşmələrin müxaliflərin sıx yerləşdiyi bölgələrdə həyata keçirdiyi əməliyyatlar nəticəsində 92 nəfər həlak olub. Bu barədə Trend "Anadolu" agentliyinə istinadən məlumat verir.
Suriya İnsan Hüquqları Təşkilatı hökumət qüvvələrinin dünəndən bu yana ağır silahlarla təşkil etdiyi hücumlar zamanı Hələbdə 28, Humsda 21, Dəməşqdə 17, Həmada 7, Deyruz Zorda 6, İdlibdə 5, Rakkada 4, Dərada 3 və Xasekedə 1 olmaqla 92 nəfərin həyatını itirdiyini bəyan etdi.
Həmçinin, Suriya rəsmi xəbər agentliyi SANA təhlükəsizlik qüvvələrinin ölkə daxilində həyata keçiridiyi əməliyyatlar nəticəsində xeyli sayda silahlı qruplaşmanın zərərsizləşdirildiyini bildirib.