Azərbaycan, Bakı, 24 sentyabr /Trend, müxbir A.Tağıyeva/
Türkiyənin Düzcə vilayətində furqon və yük maşının toqquşması nəticəsində ağır yol-nəqliyyat hadisəsi baş verib. Bu barədə Trend "Sabah" qəzetinə istinadən xəbər yayıb.
Nəşrin verdiyi məlumata görə, qəza nəticəsində beş nəfər ölüb və daha üç nəfər isə müxtəlif dərəcəli xəsarətlər alıb. Yaralılar yaxınlıqda yerləşən xəstəxanalara çatdırılıblar.
Polisin ilkin məlumatlarına görə, avtomobillərin toqquşmasına səbəb qatı duman olub.