Azərbaycan, Bakı, 8 oktyabr /Trend, müxbir İ.İzzət/
Oktyabrın 7-dən 8-nə keçən gecə Bakıda 4 yol-nəqliyyat hadisəsi baş verib.
Bu barədə Trend-ə Daxili İşlər Nazirliyinin (DİN) Bakı şəhər Baş Polis İdarəsinin Dövlət Yol Polisi İdarəsindən bildirilib.
Havanın yağışlı keçdiyi gecə vaxtı baş verən hadisələr zamanı xoşbəxtlikdən ölən olmasa da, 4 nəfər xəsarət alıb.
Bakı şəhər Dövlət Yol Polisi İdarəsi bir daha sürücüləri yollarda diqqətli olmağa, avtomobili idarə edərkən hava şəraitini nəzərə almağa və yol hərəkəti qaydalarına riayət etməyə dəvət edir.