Azərbaycan, Bakı, 17 oktyabr /Trend/
Moskvanın Presnenski məhkəməsi Yeqor Şerbakovun qətlində şübhəli bilinən Orxan Zeynalov barəsində 2 ay müddətinə həbs-qətimkan tədbirinin seçilməsi haqqında qərar qəbul edib. Bu barədə Trend İTAR-TASS-a istinadən məlumat verir.
Qeyd edək ki, Azərbaycan vətəndaşı Orxan Zeynalov bu gün keçirilən məhkəmədə Yeqor Şerbakovun qətlində özünü təqsirli bilməyib. O.Zeynalov tərcüməçi vasitəsilə deyib: "Mən ittihamla razı deyiləm. Mən qətlə yetirməmişəm".
Öldürülən moskvalı Yeqor Şerbakovun rəfiqəsi saxlanılan O.Zeynalovu qatil kimi tanıyıb.