İlk xəbər saat 17:16-da yayımlanıb
Bakı. Trend:
Stokholm polisi yük maşınını insanların üzərinə sürməkdə şübhəli bilinən şəxsi saxlayıb. Trend-in məlumatına görə, saxlanan şəxs yüngül xəsarətlər alıb.
X X X
Son məlumatlara görə, İsveçin paytaxtı Stokholmda baş vermiş insidentdə ölənlərin sayı 5 nəfərə çatıb. Trend-in məlumatına görə, hadisə ilə bağlı araşdırmalar davam edir.
X X X
İsveçin paytaxtı Stokholmda sürücü yük maşınını kütlənin üzərinə sürüb.
Trend-in məlumatına görə, sürücü maşını səkidə gəzən insanların üstünə sürüb. Hadisə nəticəsində 3 nəfər həlak olub, xəsarət alanlar var.
Yük maşını mağazalardan birinin vitrininə çırpılaraq dayanıb.
Hadisə yerində polis və təcili tibbi yardım heyəti çalışır. İnsident araşdırılır.
