Bakı. Elnur Bağışov - Trend:
İranın cənub-qərbində Xuzistan vilayətinin Əhvaz rayonunun Qeyzaniyyə məntəqəsində meşəlik ərazisi yanır.
Trend-in məlumatına görə, bunu İranın Xuzistan vilayətinin Əhvaz rayonunun Qeyzaniyyə məntəqəsinin rəhbəri Rəsul Saki deyib.
R.Sakinin sözlərinə görə, yanğın təxminən 3 saatdır başlayıb və güclü yanğın sürətlə yayılmaqdadır.
Qeyzaniyyə məntəqəsinin rəhbəri əlavə edib ki, hal-hazırda İranın Neft Şirkətinin iki yanğınsöndürmə maşını yanğını söndürməklə məşğuldur. Lakin bu yetərli deyil və Əhvazdan əlavə yanğınsöndürmə maşını istənilib.
Yanğının baş verdiyi meşəlik ərazisinin ətrafında 4 kənd yerləşir.