Bakı. Trend:
Abşeron rayonunda yanğın qeydə alınıb.
Fövqəladə Hallar Nazirliyindən Trend-ə verilən məlumata görə, rayonda ümumi sahəsi 18 m² olan mağazanın içərisində taxta rəflər və taralar 4 m² sahədə, divarında quraşdırılan elektrik sayğacı yanıb. Yüksək temperaturdan mağazanın lambirindən ibarət tavanı 4 m² sahədə əriyib.
Mağazanın qalan hissəsi və bitişik mağaza yanğından mühafizə olunub. Yanğın yanğından mühafizə bölmələri tərəfindən söndürülüb.