Bakı. Trend:
Sumqayıtda Məhkəmə Tibb Ekspertiza Şöbəsinin ərazisində yanğın başlayıb.
Trend-in məlumatına görə, hadisə axşam saat 20:00 radələrin baş verib.
Hadisə yerinə Fövqəladə Hallar Nazirliyinin canlı qüvvə və texnikaları cəlb edilib. Hazırda yanğının söndürülməsi istiqamətində tədbirlər görülür.
Sumqayıt şəhər Səhiyyə şöbəsinin müdiri Səkinə Sadıqova Trend-ə açıqlamasında faktı təsdiqləyib. Bildirib ki, hadisə Sumqayıt şəhər Məhkəmə Tibb Ekspertiza Şöbəsinin ərazisindəki köhnə anbarda baş verib. Hadisə yerinə Fövqəladə Hallar Nazirliyinin əməkdaşları gəlib, yanğın söndürülüb.
