Bakı. Trend:
Məlumat verildiyi kimi, bu gün səhər saatlarında Xaçmaz rayonu, Köhnə Xaçmaz kəndi ərazisində Gəndob-Xaçmaz-Yalama-Rusiya Federasiyası ilə dövlət sərhədi avtomobil yolunun 27-ci kilometrliyində yerləşən körpü uçub və hadisə zamanı “VAZ 2106” markalı minik avtomobili çay yatağına düşüb.
Trend Fövqəladə
Hallar Nazirliyə istinadən xəbər verir ki, FHN Şimal Regional
Mərkəzinin xilasediciləri tərəfindən təhlükəsizlik qaydalarına
riayət olunmaqla avtomobilin qaldırıcı kran vasitəsilə çay
yatağından təxliyəsi həyata keçirilib.
Həmçinin, FHN-in Şimal Regional Mərkəzi və Xüsusi Riskli Xilasetmə
Xidmətinin əməkdaşları avtomobillərin hərəkəti üçün müvəqqəti
təşkil olunmuş alternativ yolda təhlükəsizliyin təmin edilməsi
məqsədilə ərazidə xidmət aparır.