Yanvar aynın 19-da saat 08:03 rədələrində Bakı şəhəri Keşlə qəsəbəsi Zakir küçəsi, ev 29- da yanğın baş verib. Bu barədə Trend ə Fövqəladə Hallar Nazirliyindən məlumat verilib.
Yanğın nəticəsində ümumi sahəsi 120 kv.m. olan 4 otaqlı ev tam yanıb. Yanğın yerinin kəşfiyyatı zamanı ev sahibi 1924-cü il təvəllüdlü Rəcəbov Savalan Məmiş oğlunun meyidi aşkar olunub.
Yanğın 08:52-də Fövqəladə Hallar Nazirliyi Dövlət Yanğından Mühafizə Xidmətinin Nizami rayon Yanğından Mühafizə Hissəsinin yanğınsöndürənləri tərəfindən söndürülüb. Yanğının səbəbi və dəyən ziyan müəyyənləşdirilir.