Azərbaycan, Bakı, 8 iyun /Trend, müxbir İlhamə İsabalayeva/
Sauthempton-Dublin reysini yerinə yetirən təyyarə hava gəmisinin xarici hissəsində cihaza düşmüş həşərata görə aeroporta qayıtmağa məcbur olub.
Trend-in xarici mətbuata istinadən verdiyi məlumata görə, "Flybe" şirkətinə aid olan təyyarənin pilotu texniki nasazlıq haqqında xəbər verib. Ona Sauthemptonda eniş etməyə icazə verilib.
Aeroportda müayinə zamanı mühəndislər problemin səbəbinin arı olduğunu aşkar ediblər.
Təyyarənin ekipajı geçikməyə görə sərnişinlərdən üzr istəyib.