Bakı. Trend:
İngiltərənin şimalında və Şotlandiyada çərşənbə günü axşam qütb parıltısı müşahidə olunub.
Trend-in məlumatına görə, insanlar bu qeyri-adi təbiət hadisəsini dərhal telefon və fotoaparatlarının yaddaşına köçürüblər.
Ötən ay Redinq Universitetinin professoru Maykl Ouens bildirmişdi ki, tezliklə Günəşin dövrü fəallığı son 300 il ərzində minimum göstəriciyə çatacaq. Bu o deməkdir ki, tədricən Britaniyada qütb parıltısına daha az rast gəlinəcək.