Azərbaycan, Bakı / Trend , müxbir S.Ağayeva/ Noyabrın ikinci ongünlüyündə Cenevrədə Azərbaycan və İsveçrə arasında növbəti siyasi məsləhətləşmələr keçiriləcək.
Məsləhətləşmələrdə iştirak etmək üçün xarici işlər nazirinin müavini Xələf Xələfovun rəhbərliyi altında Azərbaycan XİN-nin nümayəndə heyəti Cenevrəyə yola düşəcək. Bu barədə çərşənbə axşamı Azərbaycanın İsveçrədəki səfiri Elçin Əmirbəyov məlumat verib.
"Bu regional təhlükəsizlik, ikitərfli əməkdaşlıq məsələlərinin müzakirəsinin planlaşdırıldığı müntəzəm siyasi məsləhətləşmələrdir" - deyə o bildirib.
İsvençrə tərəfindən məsləhətləşmələrdə xarici işlər nazirinin müavini Anton Talman iştirak edəcək. Səfir bildirib ki, məsləhətləşmələrdən savayı İsveçrə XİN-də Xələfovun İsveçrə rəhbərliyi ilə ikitərəfli görüşü də, keçiriləcək..