Azərbaycan, Bakı / Trend müxbir K.Ramazanova/ Avropa Şurası Parlament Assambleyasının (AŞPA) Monitorinq Komitəsinin Azərbaycan üzrə həmməruzəçisi Andres Herkel bu gün Azərbaycanın hüquq müdafiəçiləri ilə görüş keçirəcək və insan haqları sahəsində vəziyyəti müzarikə edəcək. Bu barədə şənbə günü hüquq müdafiəçisi Arzu Abdullayeva məlumat verib.
AŞ-nın Monitorinq Komitəsinin Azərbaycan üzrə həmməruzəçisi Herkel dekabrın 9-da "Avropa İttifaqı və Avropa Şurasının insan haqları sahəsində siyasəti: Azərbaycanın Avrointeqrasiya perspektivləri" adlı beynəlxalq konfransda iştirak etmək üçün Bakıya gəlib.
Konfransın işində AŞ-nın xüsusi nümayəndələri, Azərbaycanın AŞPA-dakı nümayəndə heyətinin üzvləri, hüquq müdafiəçiləri və jurnalistlər iştirak edəcəklər.