Azərbaycan, Bakı,06 may / Trend , müxbir K. Zərbalıyeva/ Azərbaycanın Daxili Qoşunları ilə Türkiyənin Jandarm qüvvələri arasında əməkdaşlığın inkişafı məqsədilə növbəti müzakirələr aparılacaq.
Bu məqsədlə Azərbaycanın Daxili Qoşunlarının komandanı, daxili işlər nazirinin müavini Zakir Həsənov çərşənbə axşamı Türkiyəyə səfər edib. Zakir Həsənov mayın 6-dan 9-dək Türkiyə Jandarmının baş komandanı İşıq Koşanerin rəsmi dəvəti ilə bu ölkədə səfərdədir.
Səfər zamanı Daxili Qoşunların komandanı bir sıra rəsmi görüşlər keçirəcək, iki ölkənin müvafiq qurumları arasında əməkdaşlıq məsələləri, təcrübə mübadiləsi müzakirə olunacaq.
1997-ci ildə Azərbaycan və Türkiyənin müvafiq qurumları arasında qarşılıqlı əməkdaşlıq haqqında saziş imzalanıb.
Koşaner 2007-ci ildə Azərbaycanda rəsmi səfərdə olub.
Müəlliflə əlaqə saxlamaq üçün elektron ünvan - [email protected]