Azərbaycan, Bakı, 21 may/ Trend , müxbir İ.Əlizadə/ Azərbaycan parlamentində əlillərin idmanla məşğul olması və bunun vasitəsi ilə cəmiyyətə inteqrasiya olunmasını nəzərdə tutan qanun layihəsi hazırlanır. "Paraolimpiya haqqında" qanun layihəsinin hazırlanmasında məqsəd əlillərin cəmiyyətə inteqrasiyasında mövcud olan problemlərin dövlət tərəfindən həllinə nail olmaqdır", - deyə çərşənbə günü jurnalistlərə açıqlamasında parlamentin Sosial siyasət daimi komissiyasının sədri Hadı Rəcəbli bildirib.
Azərbaycanda 420 min əlil var. Onların 15 faizi uşaqlardır.
Komissiya sədri bildirib ki, "İdman haqqında" qanunda əlillərin idmanla məşğul olmasının təmin edilməsinə səthi toxunulub və məsələnin geniş hüquqi bazası yaradılmayıb: "Yeni qanunda bu məsələlərin həlli yolları göstəriləcək".
Mayın sonunda Sosial siyasət komissiyası qanun layihəsini müzakirə edəcək. Layihənin parlamentin payız sessiyasında qəbul olunması nəzərdə tutulub.
Məqalə müəllifi ilə əlaqə ünvanı: [email protected]
