Azərbaycan, Bakı, 27 may / " S.Ağayeva/ İordaniya aqrar sahədə Azərbaycan ilə əməkdaşlığın inkişafında maraqlıdır. İordaniyanın İxracın Təşviqi Təşkilatının rəhbəri Yarub Qudax mayın 29 -31-də Azərbaycana səfəri zamanı əməkdaşlığın məsələlərini müzakirə edəcək. Bu barədə çərşənbə axşamı Əmmandan telefonla Azərbaycanın İordaniyadakı səfiri Elman Araslı məlumat verib.
Nümayəndə heyətinin tərkibinə İordaniyanın Kənd Təsərrüfatı Məhsulları Ekspertləri Assosiasiyasının rəsmi nümayəndələri daxil olacaq. Səfir bildirib ki, İordaniyadan olan nümayəndə heyəti Azərbaycan hökumətində və özəl aqrar şirkətlərdə ikitərəfli görüşlər keçirəcək və kənd təsərrüfatı sahəsində əməkdaşlığın yeni imkanlarını müzakirə edəcək.
Məqalə müəllifi ilə əlaqə ünvanı: trend
