...

ABŞ -ın İranın nüvə obyektlərinə hücumu nüvə proqramının realizəsini dayandırmayacaq – ekspertlər

Siyasət Materials 2 Sentyabr 2008 20:34 (UTC +04:00)

Azərbaycan, Bakı, 02 sentyabr/ Trend , müxbir D.İbrahimova, T.Cəfərov, V.Javronkova/ABŞ-ın İranın nüvə obyektlərinə hücumu nüvə problemini həll etməyərək, bütün dünya üçün faciəyə çevriləcək genişmiqyaslı müharibənin başlanğıcı olacaq.

"ABŞ İranın nüvə obyektlərinə hücum edərsə, bu problemi həll etməyərək, sağlam düşüncəli heç bir insanın istəməyəcəyi dəhşətli müharibə doğuracaq", - amerikalı ekspert Maykl Günter (Michael Gunter) hesab edir.

ABŞ Silahlı Qüvvələri İranın nüvə işləmələri obyektlərinə zərbə endirməyə hazırlaşır,- New York Times qəzeti xəbər verib. Hollandiyanın De Telegraaf qəzeti yazır ki, Hollandiyanın İrandakı kəşfiyyatı (AİVD) ABŞ -ın yaxın gələcəkdə İslam Respublikasının nüvə obyektlərini bombalayacağı təhlükəsi ilə əlaqədar ölkəni tərk edib.

Prezident seçkiləri ərəfəsində tez-tez "oktyabr sürprizinin" xatırlanmasına baxmayaraq, İraqdakı uğursuzluqla əlaqədar, Günter ABŞ -ın İranın nüvə obyektlərinə zərbə endirəcəyi ehtimalının az olduğunu hesab edir.

"ABŞ o dərəcədə ağılsız deyil ki, İrana qarşı müharibəyə başlasın. Aİ, Rusiya, Çin və digər maraqlı tərəflərlə İranın nüvə probleminə dair Qətnamənin qəbulu planına əməl etmək daha ağıllı olardı", - Tenessi Texnoloji Universitetinin professoru Günter elektron poçtla Trend -a bildirib.

İranlı ekspert Möhsün Sazeqara (Mohsen Sazegara) Birləşmiş Ştatların İrandakı obyektlərə hücum edəcəyini istisna etmir.

"Çox ehtimal ki, İran atom obyektlərinə hücumun olacağını əvvəllər proqnozlaşdırıb və alternativ qismində sentrifuqaları nüvə proqramının işlənilməsinin davam edəcəyi yeni məxfi stansiyaya yerləşdirib", - Müasir Tədqiqatlar Mərkəzinin sədri Sazeqara Vaşinqtondan telefonla Trend -a bildirib.

Onun sözlərinə görə, atom stansiyaları İranın müxtəlif regionlarında yerləşir və onlara hücum etmək mümkün deyil. İran Silahlı Qüvvələri Baş Qərargah rəisinin müavini Məsud Cəzairi bəyan edib ki, İrana qarşı istənilən hücum dünya müharibəsinin başlaması demək olacaq. Onun sözlərinə görə, İrana qarşı yönəlmiş istənilən hücum, ilk növbədə, saxta və yalan rejimləri aradan qaldıracaq, - İranın İRNA agentliyi xəbər verir.

"ABŞ İrana - soyuq müharibə dövründə SSRİ - dən qat- qat zəif olan dövlətə qarşı uğurlu nüvə saxlaması siyasətinin həyata keçirə bilər", - Günter hesab edir. Onun sözlərinə görə, ABŞ yarım əsr ərzində keçmiş SSRİ kimi güclü dövlətə qarşı nüvə siyasətini həyata keçirib.

Sazeqaranın rəyinə görə, İranın bu proqramın işlənilməsində uğurları o qədər də böyük deyil.

İranlı ekspertin sözlərinə görə, ötən ay İran prezidenti Mahmud Əhmədinejad bildirib ki, uranın zənginləşdirilməsi üzrə stansiyalarda 5000 fəal sentrifuqa quraşdırılıb. Xarici işlər nazirinin müavini Əlirza Şeyx Əttar 4000 fəal sentriruqanın quraşdırılmasından danışırdı. Sazeqaranın məlumatına görə isə, Natanzedəki atom stansiyasında 3500 P1 tipli sentrifuqa quraşdırılıb, onlardan bəziləri texniki səbəblərdən işləmir.

Müəlliflə əlaqə saxlamaq üçün elektron ünvan- [email protected]

Xəbər lenti

Xəbər lenti