...

Moskvanın Cənubi Osetiya və Abxaziya ilə bağlı mövqeyi bir müddət sonra dəyişəcək – Gürcüstanın eks-prezidenti

Siyasət Materials 9 Sentyabr 2008 16:23 (UTC +04:00)

Azərbaycan, Bakı, 09 sentyabr / Trend , müxbir E.Tariverdiyeva/ Gürcüstanın eks-prezidenti Eduard Şevardnadze Moskvanın Gürcüstan regionlarının müstəqilliklərinin tanınması ilə bağlı mövqeyinin bir müddət sonra dəyişə biləcəyinə ümid edir.

"Rusiya bunların Gürcüstanın ayrılmaz əraziləri olması ilə, hələ ki, razılaşmır, lakin bir müddət sonra Moskvanın mövqeyi dəyişə bilər. Axı, söhbət, sadəcə olaraq, ərazidən deyil, abxaziya və osetiya xalqlarından gedir", - deyə Trend -a çərşənbə axşamı Tbilisidən telefonla Eduard Şevardnadze bildirib.

Rusiya avqustun 26 - da prezidentin fərmanı ilə Cənubi Osetiya və Abxaziyanın müstəqilliklərini tanıyıb. Bu respublikaların sakinləri avqustun 8 -12-də, Gürcüstanın Cənubi Osetiyada hərbi əməliyyatlar apardığı vaxt müstəqilliklərinin tanınması xahişi ilə müraciət ediblər.

Gürcüstanın eks -prezidentinin sözlərinə görə, Aİ-nin müqavimətinə baxmyaraq, Rusiya Abxaziya və Cənubi Osetiyanın müstəqilliklərinin tanınmasına təkid edir.

"Gürcüstan tərəfi, o cümlədən mən özüm, Rusiyanın bu mövqeyi ilə heç vaxt razılaşa bilmərik, çünki hər iki region Gürcüstanın qanuni ərazisidir", - deyə o bildirib.

Dünən Rusiya prezidenti Dmitri Medvedyev Moskva ətrafındakı Mayendrof iqamətgahında

Fransa prezidenti Nikolya Sarkozi ilə görüşüb. Daha sonra prezident Sarkozi Gürcüstan prezidenti Mixail Saakaşvili ilə görüşüb və Avropa İttifaqının Cənubi Osetiya və Abxaziyanın müstəqilliklərinin Rusiya trəfindən birtərəfli tanınmasını pislədiyini bildirib.

Şevardnadzenin sözlərinə görə, Gürcüstanda prezident Saakaşvili ilə görüşdə Fransa prezidenti Sarkozi Aİ-nin Rusiyanın qərarını tanımadığını bəyan edib. "O, bunu Aİ-nin adından bildirib. ABŞ da Gürcüstanın bu iki regionunun müstəqilliyini tanımır", - deyə Gürcüstanın eks-prezidenti bildirib.

Şevardnadzenin fikrincə, Aİ artıq Moskva ilə danışıqlarda əhəmiyyətli nəticələr əldə edib. "Hazırda baş verənlərdən artığını gözləmək olmazdı. Rusiya, Abxaziya və Cənubi Osetiya istisna olmaqla, 10 - 15 gün ərzində qoşunlarını Gürcüstan ərazilərindən çıxarmağa hazırdır", - deyə Şevardnadze bildirib.

Məqalə müəllifi ilə əlaqə ünvanı - [email protected]

Xəbər lenti

Xəbər lenti