...

AŞPA dondurulmuş münaqişələr üzrə Alt Komitənin yaradılması mümkünlüyünü nəzərdən keçirir – AŞPA nümayəndə heyətinin rəhbəri

Siyasət Materials 3 Oktyabr 2008 16:14

Trend-i buradan izləyin

Fransa, Strasburq, 03 oktyabr/ Trend , müxbir A.Məhərrəmli/  Hazırda AŞPA dondurulmuş münaqişələrlə məşğul olacaq, - Avropa Şurasının  insan hüquqları üzrə komissarı, Baş katib və qurumun Nazirlər Kabineti ilə birgə fəaliyyət göstərəcək Alt Komitənin hansı formada yaradılacağı barədə düşünür, - Avropa Şurası Parlament Assambleyasının (AŞPA) gürcü - osetin münaqişəsi üzrə nümayəndə heyətinin rəhbəri Lük Van der Brande cümə günü Trend -a bildirib.

Onun sözlərinə görə, ötən il Berlində bununla bağlı xüsusi dinləmələr keçirilib. "Əlbəttə, yalnız Rusiya və Gürcüstan arasında müharibənin nəticələrini müzakirə etmək lazım deyil. Bu həm də istənilən anda alışa biləcək digər dondurulmuş münaqişələr üçün də siqnaldır", - Van der Brande bildirib.

O, gürcü - osetin müharibəsinə dair qeyd edib ki, məsuliyyət, ilk növbədə, tərəflərin üzərinə düşür. "Müharibə ilə bağlı memorandumda və qəbul edilən qətnamədə qeyd etdim ki, Rusiya və Gürcüstan müharibəyə mane olmaq üçün uğursuz addım atıblar", - Van der Brande əlavə edib.

Avropa Şurası Parlament Assambleyası cümə axşamı gürcü - osetin münaqişəsi üzrə yekun qətnamə qəbul edib. Müzakirələrin gedişində Rusiya tərəfinin təklif etdiyi düzəlişlər qəbul edilməyib. Qətnamədə Gürcüstan və Rusiyanın Avropa Şurasının prinsip və dəyərlərini, münaqişənin dinc yolla həlli ilə bağlı öhdəliyi pozduqları göstərilir. Tərəflərdən hər biri insan hüquqlarının pozulmasına görə bərabər məsuliyyət daşıyır.

Xəbər lenti

Xəbər lenti