Azərbaycan, Bakı, 06 noyabr / Trend , müxbir S. Kazımlı / Bakıda insan alverində təqsirləndirilən 41 yaşlı qadın tutulub. Lakin tutulan şəxs özünü təqsirli bilmir.
Bu barədə Nəsimi rayon Polis İdarəsindən (RPİ) cümə axşamı Trend -a məlumat verilib.
Məlumata görə, Nəsimi RPİ-nin cinayət-axtarış şöbəsi əməkdaşlarının keçirdikləri əməliyyat-axtarış tədbirləri nəticəsində barəsində bir il öncə Azərbaycan Cinayət Məcəlləsinin insan alveri (144-1-ci ) maddəsi ilə axtarış elan olunan Bahar Əziz qızı Cəfərova tutulub.
RPİ-dən verilən məlumata görə, Cəfərova bildirib ki, Türkiyəyə paltar alveri ilə bağlı gedib-gəlirmiş.
Məqalə müəllifi ilə əlaqə ünvanı:[email protected]