Fransa, Strasburq, 28 noyabr / Trend , müxbir A.Məhərrəmov/ Azerbaycan nümayəndəsi Möminət Ömərova yenidən Avropa Şurasının Qadınlar və Kişilər arasında Bərabərlik üzrə Rəhbər Komitəsinin sədri seçilib. "Avropa Şurasının Qadınlar və Kişilər arasında Bərabərlik üzrə Rəhbər Komitənin noyabrın 26 -28 -də Strasburqda keçirilən 40 - cı iclasında sədr seçkisi keçirildi və mən yenidən bu vəzifəyə seçildim" ,- bu barədə Trend - a Möminət Ömərova məlumat verib.
Ömərova yenidən iki il müddətinə bu vəzifəni həyata keçirəcək.
Qadınlar və Kişilər arasında Bərabərlik üzrə Rəhbər Komitə Avropa Şurasının Nazirlər Komitəsinə bağlıdır, ondan göstərişlər alır və bərabərlik məsələlərinə dair Nazirlər Komitəsinə təklif və hesabatlar verir.
Dövlətlərarası qurum olan Rəhbər Komitə qadınlar və kişilər arasında bərabərliyin təmin edilməsi üçün Avropa Şurasının bu sahədəki fəaliyyətinin müəyyənləşdirilməsi, ümumi normaların qəbulu və tətbiqinin təşviq edilməsi, həyata keçirilməsinə cavabdehdir.
Rəhbər Komitənin üzvləri Avropa Şurasına üzv olan dövlətlər tərəfindən təyin edilir.
Məqalə müəllifi ilə əlaqə saxlamaq üçün ünvan: [email protected]
