Azərbaycan, Bakı, 15 dekabr/ Trend , müxbir AHüseynblala/Azərbaycanın yeni yaranan müxalif partiyası bələdiyyə və parlament seçkilərində digər syiasi qüvvərlə birgə iştirak edə bilər.
"Partiyanın seçki bloklarında təmsil olunması konkret smtuasiyalardan asılı olacaq",- bazar ertəsi Trend - a Aydınlar Partiyasının sədri Qulamhüseyn Əlibəyli bildirib.
Trend - un arayışı: Aydınlar Partiyasının dekabrın 14 - də keçirilmiş təsis qurultayında Qulamhüseyn Əlibəyli sədr seçilib.
Qulamhüseyn Əlibəyli 1992-1993 - cü illərdə prezident Elçibəyin müşaviri və parlamentdə rəsmi nümayəndəsi olub. 1995 - i ildən 2005 - ci ilədək iki dəfə Milli Məclisin deputatı seçilib. Avropa Şurası Parlament Assambleyasında Azərbaycan nümayəndə heyətinin üzvü olub. O, 1989 - cu ildən AXC-nin üzvü, 1993 - cü ildən AXCP Ali Məclisinin sədri idi. Avqustun əvvəllərində AXCP Ali Məclisinin sədri vəzifəsindən istefa verib, sentyabrın 24 - də yeni Aydınlar Partiyası yaradacağı məlum olub. AXCP üzvü Nizami Quliyev də partiyadan istefa verərək, Aydınlar Partiyasının sıralarına qoşulacağını bildirib.
Oktyabrın əvvəlində AXCP-nin Lənkəran, Samux və Qax rayon şöbələrinin sədrləri istefa veriblər.
Əlibəylinin sözlərinə görə, dekabrın 14 - də keçirilmiş təsis qurultayında da partiyanın bloklarda təmsil olunması qərarı qəbul olunub: "Amma əsas məqsədimiz bələdiyyə və parlament seçkilərində iştirak edib uğur qazanmaqdır", - Əlibəyli əlavə edib.
Vaxtilə Azərbaycan Xalq Cəbhəsi Partiyasının (AXCP) üzvü olmuş Qüdrət Həsənquliyevin rəhbərlik etdiyi Bütöv Azərbaycan Xalq Cəbhəsi (BAXCP) və Fazil Qəzənfəroğlunun ( Fazil Mustafa) başqanı olduğu Böyük Quruluş partiyaları (BQP) ilə Aydınlar Partiyasının birləşməsi ehtimalına gəldikdə, Əlibəylinin fikrincə, indi fəaliyyət göstərən partiyaların çoxunu AXC və AXCP-nin keçmiş üzvləri yaradıblar: "Biz məramnaməsi üst-üstə düşən partiyalarla əməkdaşlığa hazırıq. Üç partiyanın birləşməsi məsələsini Qüdrət Həsənquliyev təklif edib. Gələcəkdə bu üç partiya ilə əməkdaşlığı isə, istisna etmirik", - Əlibəyli vurğulayıb.
Məqalə müəllifi ilə əlaqə ünvanı: [email protected]
