Gürcüstan, Tbilisi, 30 yanvar / Trend , müxbir N.Kirtsxaliya/ Tbilisi metropoliteni cümə axşamı baş verən yanğından sonra səhər saatlarından adi rejimdə işini bərpa edib. Şəhər meriyasının məlumatına görə, qəza biriqadaları bütün gecəni işləyiblər.
Tbilisi metropolitenində hərəkət dünən dayandırılıb. Elektrik məftillərində qısa qapanma nəticəsində metropolitenin əsas xəttində yanğın baş verib. Yanğın barədə məlumat saat 19:49-da daxil olub. Tüstüdən zəhərlənmədən 10 nəfər xəsarət alıb, dörd nəfər xəstəxanaya yerləşdirilib.
Məqalə müəllifi ilə əlaqə ünvanı: [email protected]