Azərbaycan Prezidenti İlham Əliyev bazar ertəsi Mavritaniya İslam Respublikasının Prezidenti Məhəmməd Uld Əbdüləzizi prezident seçilməsi münasibətilə təbrik edib. Məlumatı AzərTAc Dövlət İnformasiya Agentliyi yayıb.
"Ümidvaram ki, Azərbaycan ilə Mavritaniya arasındakı münasibətlər dostluq və əməkdaşlıq məcrasında inkişaf edəcək. Sizə möhkəm cansağlığı, xoşbəxtlik, dost Mavritaniya xalqının rifahı naminə qarşıdakı fəaliyyətinizdə uğurlar diləyirəm", - təbrik məktubunda deyilir.