Azərbaycan, Bakı, 20 may /Trend, müxbir M.Əliyev/
Gələn ay Bakıda Avropa İttifaqı - Azərbaycan Milli Məclisi Əməkdaşlıq Komitəsinin növbəti iclası keçiriləcək. Trend-in məlumatına görə, bu barədə Milli Məclisin spikeri Oqtay Əsədov Avropa Parlamentinin prezidenti Yerji Buzek ilə görüşdə bildirib.
Spiker qeyd edib ki, Əməkdaşlıq Komitəsi 2001-ci ildən fəaliyyət göstərir.
"Ancaq bu təşkilatın fəaliyyəti bizi o qədər də qane etmir. Ona görə də hesab edirəm ki, Avropa Parlamenti rəhbərinin Bakı səfərinin nəticəsi olaraq bu əməkdaşlıq canlanacaq", - Əsədov vurğulayıb.
Bu gündən Avropa Parlamentinin prezidenti Yerji Buzekin Azərbaycana rəsmi səfəri başlayıb.
...