Azərbaycan, Bakı, 21 sentyabr /Trend, müxbir M.Əliyev/
Avropa İttifaqı-Azərbaycan Parlament Əməkdaşlığı Komitəsininhəmsədri Milan Kabrnox bu həftə Bakıya səfər edəcək.
Milli Məclisin deputatı Fuad Muradov Trend-ə bildirib ki, Kabrnox Avropa parlamentarilərindən ibarət geniş nümayəndə heyəti ilə Bakıda 23-24 sentyabrda Azərbaycanın dövlət müstəqilliyinin 20-ci ildönümü münasibətilə keçiriləcək beynəlxalq tədbirdə iştirak edəcək.
Beynəlxalq konfrans Azərbaycanda Vətəndaş Cəmiyyətinin İnkişafına Yardım Assosiasiyasının ( AVCİYA ) təşkilatçılığı ilə Gülüstan sarayında keçiriləcək.
Tədbirdə dünyanın 58 ölkəsindən 300-dən artıq tanınmış ictimai-siyasi xadim, o cümlədən hazırkı və keçmiş dövlət xadimləri, Nobel mükafatı laureatları, ABŞ-ın regional spikerləri, keçmiş konqresmen və senatorlar, alim və biznesmenlər iştirak edəcəklər.
Tədbirdə dövlət məmurları ilə yanaşı, xarici qonaqların da çıxışları nəzərdə tutulub.