...

İsrailə təzyiq Fələstin problemini həll edəcək – Ərdoğan

Siyasət Materials 12 Oktyabr 2011 16:26
BMT tərəfindən İsrailə təzyiq Fələstin dövlətinin yaradılması problemini həll edəcək.
İsrailə təzyiq Fələstin problemini həll edəcək – Ərdoğan

Trend-i buradan izləyin

Azərbaycan, Bakı, 12 oktyabr /Trend, müxbir A.Tağıyeva/

BMT tərəfindən İsrailə təzyiq Fələstin dövlətinin yaradılması problemini həll edəcək. Trend-in TRT Haber telekanalına istinadən verdiyi məlumata görə, bunu çərşənbə günü Türkiyənin Baş naziri Rəcəb Tayyib Ərdoğan deyib.

"BMT İsrailə təzyiq göstərməlidir", - Ərdoğan bildirib.

Baş nazirin sözlərinə görə, BMT-də müvafiq islahatların aparılması və Təhlükəsizlik Şurasının beş daimi üzvü sisteminin ləğvi vacibdir.

Fələstin sentyabrın 23-də İsraillə danışıqların artıq bir ildən bəri dalana dirənməsi fonunda Fələstin dövlətinin tanınması haqqında BMT-yə ərizə verib. Ərizə veriləndən sonra "dördlük" israilliləri və fələstinliləri bir ay ərzində dialoqun bərpa edilməsi üzrə hazırlıq danışıqlarına başlamağa çağırıb.

Fələstinlilər beynəlxalq birlik tərəfindən tanınan 1967-ci il sərhədləri əsasında paytaxtı Şərqi Qüds olmaqla, öz dövlətlərinin yaradılmasına nail olmağa çalışırlar. İsrail 1967-ci il sərhədlərinə qayıtmağa qarşı çıxır və Qüdsü özünün əbədi və bölünməz paytaxtı elan edərək onu fələstinlilərlə bölüşməkdən imtina edir.

Xəbər lenti

Xəbər lenti