İranda casusluqda ittiham olunan iki Küveyt vətəndaşı həbs olunub

Azərbaycan, Bakı, 13 noyabr /T.Cəfərov/

İranın Abadan şəhərində iki Küveyt vətəndaşı casusluqda ittiham olunaraq həbs olunub.

Trend-in Fars agentliyinə istinadən verdiyi məlumata görə, Abadanın valisi Bəhram İlxaszadə bildirib ki, həbs olunan şəxslərdən casus avadınlıqları müsadirə edilib.

İlxaszadənin sözlərinə görə, küveytlilər İranın kəşfiyyat nazirliyinin əməkdaşları tərəfindən həbs edilib.