...

Əli Həsənov: Bakıda sökülən evlərin "Eurovision" mahnı müsabiqəsinə heç bir aidiyyəti yoxdur

Siyasət Materials 20 Fevral 2012 15:44 (UTC +04:00)
Rəsmi Bakı "Eurovision 2012" mahnı müsabiqəsi ilə bağlı evlərin sökülməsinə dair bəzi xarici KİV-lərdə gedən məlumatları təkzib edir.
Əli Həsənov: Bakıda sökülən evlərin "Eurovision" mahnı müsabiqəsinə heç bir aidiyyəti yoxdur

Trend-i buradan izləyin

Azərbaycan, Bakı, 20 fevral /Trend, müxbir M.Əliyev/

Rəsmi Bakı "Eurovision 2012" mahnı müsabiqəsi ilə bağlı evlərin sökülməsinə dair bəzi xarici KİV-lərdə gedən məlumatları təkzib edir.

"57-ci "Eurovision" mahnı müsabiqəsi çərçivəsində Bakıda heç bir ev sökülməyib, nə hansısa insanların obyekti sökülməyib, nə də bununla bağlı köçürmə həyata keçirilməyib", - bunu bazar ertəsi Trend-ə Prezident Administrasiyasının İctimai-siyasi məsələlər şöbəsinin müdiri Əli Həsənov deyib.

Həsənov bildirib ki, Bakı şəhərində həyata keçirilən söküntülər, infrastrukturların yeniləşdirilməsi, yeni yollar, su, qaz layihələrinin əksəriyyəti Bakı şəhərinin baş planına müvafiq şəkildə, qanunlar çərçivəsində, əvvəlcədən müəyyən olunmuş marşrutlar üzrə və həmin marşrutlara düşən evlərə görə insanlara kompensasiyaların ödənilməsi vasitəsilə həyata keçirilir.

PA rəsmisi bildirib ki, bunun nə "Eurovision"a, nə də "Eurovision"un keçiriləcəyi yerin abadlaşdırılmasına aidiyyəti var.

"Bunu etmək istəyənlər bu aksiyanı siyasiləşdirirlər, Azərbaycana "Eurovision" mahnı müsabiqəsindən istifadə edib təyziq göstərmək istəyirlər, bəzi dairələr özlərinin bu və ya digər ambisiyalarını, o cümlədən Azərbaycan dövlətinə, onun enerji və digər sahələrdə həyata keçirdiyi siyasətə təyziq, təsir vasitəsi kimi istifadə etmək sahəsindəki ambisiyalarını "Eurovision"a bağlamaq istəyirlər. Biz bunu birmənalı şəkildə pisləyirik. Biz Avropa musiqi müsabiqəsini layiqli səviyyədə keçirəcəyik və bunun da Azərbaycanda nə hansısa söküntüyə, nə Bakı şəhərinin abadlaşdırılmasına, nə də digər layihələrə heç bir aidiyyəti yoxdur", - Həsənov əlavə edib.

Xəbər lenti

Xəbər lenti