Azərbaycan, Bakı, 3 aprel /Trend, müxbir E.Mehdiyev/
ATƏT sülhün qurulması və qorunub-saxlanmasına həsr olunmuş konfrans keçirəcək.
Trend ATƏT-in rəsmi saytına istinadən xəbər verir ki, aprelin 27-də Dublində keçiriləcək konfransda ATƏT regionunda münaqişələrin həllinə mümkün yanaşmalar müzakirə olunacaq. Konfrans zamanı, həmçinin siyasi proseslərlə bağlı sessiyalar keçiriləcək.
ATƏT-ə üzv olan bütün ölkələrin iştirakı üçün açıq olan konfransa Finlandiyanın keçmiş prezidenti Martti Ahtisaari moderatorluq edəcək.