Azərbaycan, Bakı, 15 iyun / Trend müxbir K.Zərbalıyeva/
Ümummilli lider Heydər Əliyev Azərbaycanın müstəqilliyini yox olmaqdan xilas edib, Trend-in məlumatıan görə, bunu cümə günü jurnalistlərə daxili işlər naziri Ramil Usubov deyib.
Nazir bildirib ki, Azərbaycan 1991-ci ildə müstəqillik qazansa da, müstəqilliyini 1993-cü ilin may-iyun aylarında itirmək təhlükəsi ilə üz-üzə idi.
"Heydər Əliyevin gördüyü tədbirlər nəticəsində ölkədə ictimai-siyasi vəziyyət sabitləşdi, kriminogen durum nəzarət altına alındı", Usubov deyib.
Nazir bildirib ki, Heydər Əliyevin rəhbərliyi ilə Azərbaycanda bütün istiqamətlərdə inkişaf başladı.
Usubov qeyd edib ki, Azərbaycanda qurtuluş, əmin-amanlığın əzab-əziyyət hesabına başa gəlib və gənclik bunu heç zaman unutmamalıdır.
1993-cü il iyunun 15-də Heydər Əliyev Azərbaycan Respublikası Ali Sovetinin sədri seçildi. Beləliklə, 15 iyun tariximizə Milli Qurtuluş Günü kimi daxil oldu. Xalqın tələbi ilə Milli Məclis 1997-ci ilin iyununda bu günü bayram elan etdi.