Azərbaycan, Bakı, 5 sentyabr /Trend/
Ermənistan müdafiə nazirinin birinci müavini David Tonoyan cümə axşamı Moskvada Rusiya müdafiə nazirinin müavini Anatoli Antonovla RF və Ermənistan arasında hərbi və hərbi-texniki əməkdaşlığı müzakirə edib. Trend-in məlumatına görə, bu barədə Rusiya Müdafiə Nazirliyinin mətbuat xidməti xəbər yayıb.
Tərəflər, həmçinin Avropada adi silahlandırma üzərində nəzarət sahəsində qüvvədə olan razılaşmaların həyata keçirilməsi üzrə fikir mübadiləsi aparıblar.