Azərbaycan, Bakı, 22 oktyabr /Trend/
Azərbaycan Prezidenti İlham Əliyev Zakir Həsənova general-polkovnik hərbi rütbəsinin verilməsi haqqında sərəncam imzalayıb.
Prezident Azərbaycan Respublikası Konstitusiyasının 109-cu maddəsinin 24-cü bəndini rəhbər tutaraq qərara alıb ki, Zakir Əsgər oğlu Həsənova general-polkovnik hərbi rütbəsi verilsin.
Qeyd edək ki, dövlət başçısının imzaladığı Nazirlər Kabinetinin yeni tərkibi haqqında sərəncama əsasən, Daxili Qoşunların komandanı Z.Həsənov müdafiə naziri təyin edilib.