Azərbaycan, Bakı, 18 may /Trend/
Azərbaycanın xarici işlər naziri Elmar Məmmədyarov 19 may 2015-ci il tarixində Avropa Şurası Nazirlər Komitəsinin 125-ci sessiyasında iştirak etmək üçün Brüsselə yola düşüb.
XİN-in mətbuat xidmətindən Trend-ə verilən məlumata görə, sessiya çərçivəsində xarici işlər naziri E.Məmmədyarovun çıxışı və ikitərəfli görüşləri nəzərdə tutulub.