...

Siyavuş Novruzov: Binəli Yıldırımın ilk xarici səfərini Azərbaycana etməsi münasibətlərin səviyyəsini göstərir

Siyasət Materials 4 İyun 2016 13:55
Türkiyənin Baş naziri Binəli Yıldırımın ilk xarici səfərini Azərbaycana etməsi Türkiyə-Azərbaycan münasibətlərinin səviyyəsinin göstəricisidir.
Siyavuş Novruzov: Binəli Yıldırımın ilk xarici səfərini Azərbaycana etməsi münasibətlərin səviyyəsini göstərir

Trend-i buradan izləyin

Bakı. İlhamə İsabalayeva - Trend:

Türkiyənin Baş naziri Binəli Yıldırımın ilk xarici səfərini Azərbaycana etməsi Türkiyə-Azərbaycan münasibətlərinin səviyyəsinin göstəricisidir.

Bunu Trend-ə Milli Məclisin deputatı Siyavuş Novruzov Türkiyənin Baş naziri Binəli Yıldırımın Baş nazir qismində ilk rəsmi xarici səfərini Azərbaycana etməsinə münasibət bildirərkən deyib.

S.Novruzov əlavə edib ki, B.Yıldırımın ilk səfərini Azərbaycana etməsi həm də iki ölkənin münasibətlərinin yüksələn xətlə inkişaf etdiyini göstərir.

Deputat Türkiyənin yüksək vəzifəyə yeni təyin olunan dövlət rəsmilərinin ilk səfərlərinin Azərbaycana etməsinin artıq bir ənənə halını aldığını da söyləyib: "Türkiyədə istər prezident olsun, istərsə də baş nazir, ilk səfərini Azərbaycana edir. Bu da iki ölkə arasındakı münasibətlərin gözəl göstəricisidir. Ümummilli lider demişkən, "bir millət, iki dövlət"ik. Ona görə də onlar ilk səfərlərini qardaş ölkəyə edirlər, ondan sonra isə digər ölkələrə gedirlər. Bu da çox təqdirəlayiq haldır".

Məqalədə:
Xəbər lenti

Xəbər lenti