...

Berdiməhəmmədov: Seçkilərdə qələbə Azərbaycan xalqının Prezident İlham Əliyevin siyasi kursunu yüksək səviyyədə dəstəklədiyini göstərir

Siyasət Materials 13 Aprel 2018 10:43 (UTC +04:00)
Türkmənistan Prezidenti Qurbanqulu Berdiməhəmmədov İlham Əliyevi yenidən Azərbaycan Prezidenti seçilməsi münasibətilə təbrik edib.
Berdiməhəmmədov: Seçkilərdə qələbə Azərbaycan xalqının Prezident İlham Əliyevin siyasi kursunu yüksək səviyyədə dəstəklədiyini göstərir

Trend-i buradan izləyin

Bakı. Trend:

Türkmənistan Prezidenti Qurbanqulu Berdiməhəmmədov İlham Əliyevi yenidən Azərbaycan Prezidenti seçilməsi münasibətilə təbrik edib.

Trend-in məlumatına görə, Q.Berdiməhəmmədov təbrik məktubunda qeyd edib ki, İlham Əliyevin seçkilərdə qələbəsi Azərbaycan xalqının onun dövlətçiliyin möhkəmləndirilməsinə və ölkənin sosial-iqtisadi inkişafına istiqamətlənmiş siyasi kursunu yüksək səviyyədə dəstəklədiyini göstərir:

"Türkmənistan və Azərbaycanı uzun əsrlərdən bəri davam edən dostluq və mehriban qonşuluq əlaqələri bağlayır. Əminəm ki, ölkələrimiz arasında yüksək əməkdaşlıq səviyyəsi və qarşılıqlı anlaşma Türkmənistan-Azərbaycan münasibətlərinin gələcəkdə daha da inkişafına və möhkəmləndirilməsinə xidmət edəcək".

Q.Berdiməhəmmədov Prezident İlham Əliyevə möhkəm cansağlığı, Azərbaycan xalqının tərəqqisi, çiçənlənməsi və sülh naminə yüksək dövlət postunda müvəffəqiyyətlər və böyük uğurlar arzulayıb.

Məqalədə:
Xəbər lenti

Xəbər lenti