...

Vladimir Putin: Azərbaycan rus mədəniyyətinə, rus dilinə münasibət ən yüksək səviyyədə saxlanılan keçmiş Sovet İttifaqı ölkələrindən biridir

Siyasət Materials 23 Noyabr 2019 02:37
Azərbaycan rus mədəniyyətinə, rus dilinə münasibət ən yüksək səviyyədə saxlanılan keçmiş Sovet İttifaqı ölkələrindən biridir
Vladimir Putin: Azərbaycan rus mədəniyyətinə, rus dilinə münasibət ən yüksək səviyyədə saxlanılan keçmiş Sovet İttifaqı ölkələrindən biridir

Trend-i buradan izləyin

Bakı. Trend:

Azərbaycan rus mədəniyyətinə, rus dilinə münasibət ən yüksək səviyyədə saxlanılan keçmiş Sovet İttifaqı ölkələrindən biridir.

Trend-in məlumatına görə, bunu Azərbaycan Respublikasının Birinci vitse-prezidenti Mehriban Əliyeva ilə görüşü zamanı Rusiya Prezidenti Vladimir Putin deyib.

Vladimir Putin bildirib: "Bilirsiniz ki, təntənəli hissəyə keçmək nəzərdə tutulurdu, lakin hər halda Sizin indicə dediyiniz məqama reaksiya verməyə bilmərəm. Bu, xüsusən bizim humanitar əlaqələrə və Azərbaycanda rus dilinə münasibətə aiddir. Həqiqətən bu, keçmiş Sovet İttifaqı ölkələrindən, keçmiş Sovet İttifaqı respublikalarından biridir ki, orada, - biz bunu hiss edirik, - rus mədəniyyətinə, rus dilinə münasibət ən yüksək səviyyədə saxlanılır. Bilirəm ki, Siz şəxsən bu işdə daim fəal iştirak edirsiniz. Prezident də bunu dəstəkləyir. Biz bunu çox yüksək qiymətləndiririk. Ona görə ki, bu baza bizim bütün başqa istiqamətlərdə münasibətləri, o cümlədən iqtisadi və humanitar əlaqələri, sözün geniş mənasında, inkişaf etdirməyə imkan verir. Buna görə biz Sizə çox təşəkkür edirik və öz tərəfimizdən bu trendi dəstəkləmək üçün nə lazımdırsa edəcəyik. Hesab edirəm ki, bu, bizim ümumi sərvətimizdir. Ona görə ki, bu, insanların öz aralarında hər hansı sədlər və maneələr olmadan ünsiyyət saxlamalarına, həm şəxsiyyətlərarası, həm də dövlət səviyyəsində münasibətləri inkişaf etdirməyə imkan verir".

Onun sözlərinə görə, cari ilin doqquz ayı ərzində iki ölkə arasında əmtəə dövriyyəsi 26 faiz artıb: "Bu, ciddi göstəricidir. Biz demək olar ki, bütün istiqamətlər üzrə - parlamentlər, ictimai təşkilatlar səviyyəsində əlaqə saxlayırıq. Azərbaycan Prezidenti ilə mənim çox etimada əsaslanan mehriban münasibətlərim formalaşıb. Bilirəm ki, sabah Siz Valentina İvanovna ilə birlikdə X Regionlararası Forumu da açacaqsınız. Hesab edirəm ki, bu, bizim əməkdaşlığımızın olduqca mühüm istiqamətidir. Ona görə ki, bizim qarşılıqlı fəaliyyətimizin xeyli hissəsi məhz regionlar səviyyəsində həyata keçirilir".

Məqalədə:
Xəbər lenti

Xəbər lenti