...

MSK-ya protokol məlumatların 62 faizi daxil olub

Siyasət Materials 10 Fevral 2020 02:39 (UTC +04:00)
75 faiz protokol məlumatları MSK-ya daxil olandan sonra seçkilərlə bağlı ilkin nəticələr ictimailəşdiriləcək.
MSK-ya protokol məlumatların 62 faizi daxil olub

Bakı. Elçin Mehdiyev - Trend:

Parlament seçkiləri ilə bağlı 3200 seçki məntəqəsindən (62 faizi) nəticələr bizə daxil olub.

Trend-in məlumatına görə, bunu Mərkəzi Seçki Komissiyasının (MSK) sədri Məzahir Pənahov deyib.

M.Pənahov bildirib ki, 75 faiz protokol məlumatları MSK-ya daxil olandan sonra seçkilərlə bağlı ilkin nəticələr ictimailəşdiriləcək.

Qeyd edәk ki, fevralın 9-da Azәrbaycanda növbәdәnkәnar parlament seçkilәri keçirilib.

Seçkilərdə 1314 nəfər namizəd iştirak edib. Namizədlərdən 246 nəfəri 19 siyasi partiyanın təmsilçisidir, 1057 nəfəri fərdi qaydada namizədliyini irəli sürüb, 11 nəfərin namizədliyi isə təşəbbüs qrupu tərəfindən irəli sürülüb.

Seçki günü ərzində Azərbaycanda 125 dairə üzrə 5426 daimi seçki məntəqəsi fəaliyyət göstərib.

Seçkilərin gedişini 883 beynəlxalq və 77 790 yerli müşahidəçi izləyib. Yerli müşahidəçilərdən 35 152-i siyasi partiyaların müşahidəçiləridir. Beynəlxalq müşahidəçilər 58 ölkəni və 59 təşkilatı təmsil edib.

Məqalədə:
Xəbər lenti

Xəbər lenti