Bakı. Trend:
Xorvatiya Finlandiya və İsveçin NATO-ya üzv olmasına veto qoya bilər.
Trend xarici KİV-ə istinadla xəbər verir ki, bu barədə Xorvatiyanın prezidenti Zoran Milanoviç bildirib.
O qeyd edib ki, bu çox gözlənilməyən bir məsələ oldu.
"Məsələ NATO-nun Zirvə görüşü səviyyəsinə qalxsa, mən bu ölkələrin alyansa qəbul olunmasında veto hüququmdan istifadə edəcəm", - Z. Milanoviç bildirib.
Qeyd edək ki, NATO-nun zirvə görüşü iyunun 28-30-da Madriddə keçiriləcək. Alyansa üzv ölkələrin liderlərinin görüşünə baş katib sədrlik edəcək.