...

Azərbaycan XİN Lavrovun Fərrux kəndi ilə bağlı fikrinə münasibət bildirib

Siyasət Materials 9 İyun 2022 17:07 (UTC +04:00)
Azərbaycan XİN Lavrovun Fərrux kəndi ilə bağlı fikrinə münasibət bildirib

Bakı. Trend:

Azərbaycan və Ermənistan tərəfindən təsis edilmiş delimitasiya komissiyalarının fəaliyyəti əvvəlcədən nəzərdə tutulduğu kimi məhz iki ölkənin dövlət sərhədinin delimitasiyası məqsədini güdür.

Trend xəbər verir ki, bunu Xarici İşlər Nazirliyinin (XİN) Mətbuat xidməti idarəsinin rəisi Leyla Abdullayeva KİV-in Rusiya Federasiyasının xarici işlər naziri Sergey Lavrovun Ermənistana səfəri çərçivəsində keçirilən mətbuat konfransında Xocalı rayonunun Fərrux kəndi ilə əlaqəli vəziyyətin Azərbaycan və Ermənistan arasında sərhədlərin delimitasiyası kontekstində nəzərdən keçiriləcəyinə dair fikrinin şərh edilməsi ilə bağlı müraciətini cavablandırarkən deyib.

"Bu proses çərçivəsində Azərbaycan-Ermənistan dövlət sərhədindən kənar hər hansı bir məsələyə, o cümlədən Azərbaycan Respublikasının Rusiya sülhməramlı kontingentinin müvəqqəti yerləşdiyi ərazilərlə bağlı məsələyə baxılması nəzərdə tutulmur", - L.Abdullayeva bildirib.

Məqalədə:
Xəbər lenti

Xəbər lenti