Bakı. Trend:
Kanadanın Kvebek əyalətində fəaliyyət göstərən Azərbaycan icması Azərbaycanın dövlət sərhədində Ermənistanın genişmiqyaslı təxribatına etiraz məqsədilə yerli və beynəlxalq ictimaiyyətə müraciət edib.
Diasporla İş üzrə Dövlət Komitəsindən Trend-ə verilən məlumata görə, Kvebek Azərbaycanlıları Assosiasiyasının sədri Məsud Əliyevin imzası ilə yayılan bəyanatda Ermənistan silahlı qüvvələri bölmələrinin 12 sentyabr 2022-ci il tarixində gecə saatlarından başlayaraq törətdikləri təcavüz barədə ətraflı məlumat verilib. Baş vermiş təxribat, qarşıdurma və itkilərə görə bütün məsuliyyətin Ermənistanın hərbi-siyasi rəhbərliyinin üzərinə düşdüyü vurğulanıb.
Kanadanın Toronto şəhərində fəaliyyət göstərən “Vətən”
Azərbaycan İncəsənət və
Mədəniyyət Mərkəzi Ermənistan törətdiyi genişmiqyaslı hərbi
təxribatla bağlı
ölkə rəsmilərinə müraciət edib.
Mərkəzin rəhbəri Lalin Həsənovanın imzası ilə Kanadanın Baş naziri
Castin Trüdo
və xarici işlər naziri Melani Coliyə ünvanlanan məktubda
Ermənistanın növbəti
dəfə törətdiyi hərbi cinayət barədə məlumat verilib.
Cənubi Qafqaz bölgəsində Azərbaycanın təşəbbüsü ilə başlayan
normallaşma və
sülh prosesinə Ermənistanın zərbə vurmasına görə Azərbaycan əsilli
kanadalıların
narahatlıq hissi keçirdiyi, rəsmi İrəvanın revanşizm ideyalarına
birdəfəlik son qoymasının və sülhə sövq edilməsinin zərurətə
çevrildiyi diqqətə çatdırılıb.
Müraciətdə Azərbaycan icmasının Baş nazir Castin Trüdonu və
digər rəsmi
şəxsləri beynəlxalq müstəvidə Ermənistanın təcavüzkar siyasətini
pisləməyə dəvət
etdiyi vurğulanıb.
Kanadanın Alberta əyalətində fəaliyyət göstərən Alberta
Azərbaycan Mədəniyyət
Mərkəzi (ALACS) də Ermənistanın təcavüzkar siyasəti barədə
təxribatı ilə əlaqədar ölkə rəsmilərinə müraciət edib.
Mərkəzin icraçı direktoru Səbinə İsgəndərovanın imzası ilə
Kanadanın Baş naziri
Castin Trüdo, xarici işlər naziri Melani Joli, senator Leonidas
Husakos, parlament
üzvləri Qreq Maklin, Casraj Sinqh Hallan, Mişel Rempel, Stefani
Kuzi, Pyer
Pualyevr və Kanadada Birləşmiş Millətlər Təşkilatı Assosiasiyasına
ünvanlanan
müraciətdə Ermənistanın növbəti dəfə törətdiyi hərbi cinayət barədə
ətraflı
məlumat verilib.
Monreal Kanada–Azərbaycan Cəmiyyətinin sədri Rəna Müslümovanın
imzası ilə
yerli və beynəlxalq ictimaiyyətə Ermənistanın növbəti hərbi cinayət
barədə bəyanat ünvanlanıb.
Azərbaycanın təşəbbüsü və Avropa Birliyinin vasitəçiliyi ilə iki
ölkə arasında
başlanan normallaşma və sülh prosesinə Ermənistanın təcavüzlə cavab
verməsinin
ilk dəfə baş vermədiyi nəzərə çatdırılıb.
Soydaşlarımız Kanada rəsmilərini və dünya birliyini beynəlxalq
müstəvidə
Ermənistanın təcavüzünü pisləməyə çağırıblar.
