Bakı. Trend:
Avropa ittifaqı elə hesab edir ki, dünya bir qütblüdür və onlar
beynəlxalq hüquq və normaları tapdalaya bilərlər. Əslində Avropa
əsrlər boyu neokolonializm siyasəti yürüdən Fransanın təsiri altına
düşmüşdür və ona görə də onlar müstəqil sözünü deyə bilmirlər.
Avropa İttifaqı və Avropa Parlamenti yanlış yolda olduğunu
bilə-bilə Fransanın təqdim etdiyi qərarları qəbul etməyinə özlərini
borclu görməklə aciz durumda olduğunu nümayiş etdirirlər. Bu da
sürətlə inkişaf edən qoca bir qitəni son illər iqtisadi və sosial
çətinliklərlə üz-üzə qoyur və Avropa İttifaqının gələcyini şübhə
altına salır.
Bunu Trend-ə Milli
Məclisin deputatı Azər Badamov deyib.
O bildirib ki, Azərbaycan torpaqları Ermənistanın işğalı altında
olduğu dövürdə Fransa elə hesab edirdi ki, Azərbaycan heç vaxt
güclənə bilməz və işğalla barışacaqdır.
“Amma Prezident İlham Əliyevin rəhbərliyi altında Azərbaycan
dövləti güclənərək iqtisadi və siyasi müstəqilliyinə qovuşdu.
Azərbaycan öz sözünün sahibi olan çox az dövlətlərdən birinə
çevrilmişdir. Belə ki, üç il əvvəl öz gücümüzlə torpaqlarımızı
işğaldan azad etməyimiz Fransanın və digər düşmənlərimizin çirkin
niyyətlərini gözündə qoymuşdur. Bu gün isə bütün ərazilərimizdə
suverüenliyimizin bərpası Fransanı hiddətləndirmiş, Avropa
çərçivəsində ölkəmizə təzyiqlər göstərməyinə çalışır və qərəzli
qərarların qəbul edilməsinə davam edirir. Azərbaycanın mövqeyi
beynəlxalq hüquqa əsaslanır və heç kim iradəmizi qıra bilməz.
Əslində Avropa Parlamenti və Avropa İttifaqının Azərbaycana qarşı
qəbul edilən qərəzli qərarların özlərinə ziyanı var. Çünki
Azərbaycanın Avropadan asıllığı yoxdur. Amma Avropa əksinə
Azərbaycandan asıllıdır. Bu gün Avropanın enerji təhlükəsizliyinin
təmin edilməsində Azərbaycan alternativsiz mənbədir.
Avropanın Rusiya ilə enerji sahəsində çətinliklər yarandığından
Azərbaycan enerjisi demək olar ki, Avropanın ümüd mənbəyinə
çevrilmişdir. Ona görə də Avropa Komisiyasının prezidenti Ursula
Von der Leyen Azərbaycandan Avropaya ixrac olunan qazın iki dəfə
artırılması və bərpa olunan enerjinin ixrac olunması ilə bağlı
sənədlər imzalanıb”, - deyə deputat bildirib.
O qeyd edib ki, Avropanın Rusiya ilə əlaqələrin pisləşməsi iqtisadi
bağlantıları təmin edən ənənəvi marşurutlarda da hərəkətin davam
etdirilməsində çətinlik yaradıb.
“Azərbaycanın təqdim etdiyi regional lahiyələr və beynəlxalq
dəhlizlər Avropanın Asiya ilə iqtisadi bağlantıların davam
etdirilməsində ən vacib istiqamətlərə çevrilmişdir. Bütün bunları
nəzərə alaraq qeyd etmək olar ki, bu gün Azərbaycan Avropa İttifaqı
üçün daha vacib aktordur. Azərbaycan Avropasız da yaşaya bilər.
Çünki bizim satdığımı enerji resurslarımızın dünyada alıcıları
çoxdur.
Amma Avropa İttifaqı marionet Ermənistan və Fransanın girovluğunda
olmaqda davam edərək Azərbaycana qarşı qərəzli mövqedən çıxış
etməkdə davam edərsə onlar üçün həyati əhəmiyyət kəsb edən bir
aktorun itirilməsinə yol açmış olar. Bu da Avropada iqtisadi və
sosial vəıziyyəti daha da pisləşdirər. Avropalılar yaxşı
yaşamalarına öyrəşmişdir. Amma onların ədalətsiz mövqeyi Avropa
Birliyinin sonlanmasına aparacaq və bu qoca qitəni firavanlıqla
vidalaşdıra bilər”, - deyə o əlavə edib.
...