...

RƏSUL QULİYEVİN AZƏRBAYCANA DÖNÜŞÜNÜN TARİXİNİ DEMOKRATLAR ÖZLƏRİ MÜƏYYƏNLƏŞDİRƏCƏK

Siyasət Materials 27 Avqust 2005 14:04 (UTC +04:00)

"Azərbaycan Demokrat Partiyasının (ADP) sədri Rəsul Quliyevin Azərbaycana qayıdışı ilə bağlı demokrtaların avqustun 27-də keçirdiyi ümumrespublika müşavirəsi başa çatıb". Bu barədə Trend agentliyinə ADP sədrinin müavini Taliyət Əliyev məlumat verib.

T.Əliyev bildirib ki, texniki səbəblər üzündən Rəsul Quliyev müşavirəyə elektor vasitəsilə qatıla bilməyib. Ancaq onun göndərdiyi müraciət ADP sədrinin birinci müavini Sərdar Cəlaloğlu tərəfindən oxunub: "Müraciətdə Rəsul Quliyev seçkilərə qədər Azərbaycana qayıdışı ilə bağlı qəti qərar qəbul edib".

R.Quliyevin müraciətilə bağlı müşavirədə bir sıra müzakirələr aparıldığını deyən T.Əliyev Müsavat başqanı İsa Qəmbər, Azərbaycan Xalq Cəbhəsi Partiyasının (AXCP) sədri Əli Kərimli, Pənah Hüsenov və başqalarının çıxış edərək dövlət tərəfindən Rəsul Quliyevin Azərbaycana gəlişinin təmin edilməsini tələb etdiklərini bildirib.

T.Əliyev onu da qeyd edib ki, R.Quliyev Azərbaycana dönəcəyi ilə bağlı tarixin müəyyənləşdirilməsini ADP-yə həvalə edib: "Buna görə sentyabrın 15-ə qədər partiyanın Ali Məclisinin toplantısı nəzərdə tutulub. Toplantıda Rəsul Quliyevin Azərbaycana gəlişinin tarixi müəyyənləşdiriləcək".

ADP sədrinin Azərbaycana dönüşünü "Azadlıq" blokunda təmsil olunan digər partiyaların da istədiyini deyən T.Əliyev bu istiqamətdə birgə addımlar atmaq barədə plan üzərində işləndiyini də bildirib.

Müşavirədə məlum məsələ ilə bağlı qətnamə qəbul olunub.

Xəbər lenti

Xəbər lenti