"Vətəndaş Cəmiyyəti Qurucuları" (VCQ) seçki bloku fəaliyyətini dayandırıb. Bu barədə Trend ə adıçəkilən blokun mərkəzi seçki qərargahının rəhbəri Yaşar Cəfərli bildirib.
Y.Cəfərli qeyd edib ki, blok parlament seçkiləri ilə bağlı yaradılmışdır: "Seçkilərdə heç bir uğur qazana bilmədik. Belə qərara gəldik ki, fəaliyyətimizi dayandıraq. Ancaq bloka daxil olan partiya və qeyri-hökumət təşkilatları hələ də əməkdaşlıqlarını davam etdirir".
Əlavə seçkilərə qatılacaqları ilə bağlı heç bir qərara gəlinmədiyini vurğulayan Y.Cəfərli bildirib: "Zərurət yaranarsa, yenidən toplaşa bilərik".