Məlumdur ki, respublikamzıda 2005-ci il 6 noyabrda keçirilmiş parlament seçkilərində namizədliyini irəli sürənlər 3%-lik baryeri aşa bilməsə Mərkəzi Seçki Komissiyasından təbliğat təşviqat kampaniyası üçün verilən 1 milyon manat vəsaiti geri qaytarmalıdır.
Bu prosesdən xeyli vaxt keçməsinə baxmayaraq sözü gedən məbləğin ödənilməsi bölgələrdə də problemə səbəb olub.
Belə ki, Gəncə şəhəri üzrə cəmi bir neçə nəfər pulu geri qaytarıb. Müvafiq Dairə seçki komissiyalarından aldığımız məlumata görə 37 saylı Nizami ərazisi üzrə 7 nəfər, 39 saylı Kəpəz (birinci) ərazisi üzrə 6 nəfər və 40-saylı Kəpəz ikinci dairə seçki komissiyasından isə 4 nəfər 3 faizlik baryeri aşa bilməyib. Yalnız 40 saylı dairədən 2 nəfər 1 milyon manatı geri ödəyib. Dairə seçki komissiyalarından o da bildirilib ki, borcu ödəməyən namizədlər barəsində yerli məhkəmələrə müraciət olunub.
Gəncə şəhər Nizami rayon məhkəməsinin sədri Nizami Hümbətov Trend ə açıqlamasında bildirib ki, bu günlərdə həmin müraciətlərə baxılacaq.
