Mərkəzi Seçki Komissiyasının üzvləri Azərbaycanın bölgələrində aşağı seçki komissiyaları üçün seminar-müşavirələr keçirəcəklər. Trend in məlumatına görə, bu barədə iyulun 7-də keçirilmiş Mərkəzi Seçki Komissiyasının (MSK) iclasında qurumun sədri Məzahir Pənahov açıqlama verib.
O, oktyabrda keçiriləcək bələdiyyə seçkiləri ilə əlaqədar bölgələrdə seminar-müşavirələr keçirilməsi üçün proqram tərtib olunduğunu deyib. M.Pənahov MSK üzvlərinə seminar-müşavirələrin vaxtının təyin olunması tapşırığını verib. MSK sədri bildirib ki, bu tədbirlərə artıq iyulun 11-dən başlanılmalıdır. M.Pənahov Naxçıvan Muxtar Respublikasında da seminarların keçirilməsinə dair tapşırıq verib.
Qeyd edək ki, MSK üzvləri aşağı seçki komissiyalarının sədrləri və üzvlərini bələdiyyə seçkilərinə dair maarifləndirəcəklər.