Azərbaycan Milli İstiqlal Partiyasının (AMİP) baş katibi Fuad Muxtarov partiyanın yeni katiblərini təyin edib. Bu barədə "Trned"ə AMİP-dən məlumat verilib.
Qeyd edək ki, AMİP-in icra strukturuna beş katiblik daxildir və onları partiyanın baş katibi təyin edir. AMİP-in təşkilat katibi Nazim Ələsgərov, mətbuat və təbliğat katibi Əli Orucov, bələdiyyələrlə iş üzrə katib Elşən Mustafayev, maliyyə işləri üzrə katib Vaqif Məmmədov təyin edilib. Bir yer - beynəlxalq əlaqələr üzrə katib postu isə vakant saxlanılıb.
Bununla da AMİP-in icra strukturu və tərkibi formalaşdırılıb. Partiyanın Siyasi Şurası isə katibliyə bəzi tapşırıqlarını verib. Belə ki, Siyasi Şuranın iclasında AMİP lideri Etibar Məmmədovun Güney Azərbaycanla bağlı ölkənin ictimai-siyasi qurumlarına ünvanladığı müraciət müzakirə olunub. Katibliyə bununla əlaqədar tədbirlər planı hazırlaması tapşırılıb.